今集《美食新聞報道》請來「星級飯腳」Eric Kwok帶隊揾食!除了主持蔡景行(行仔)外,身為女團XiX的經理人Eric Kwok,還帶同成員們Charlotte、Kiele、Caitlin和Crystal到自己最愛的餐廳,齊齊嘆美食!而Eric Sir在正式拍節目前,更先指導成員們該怎樣拍攝飲食節目,「記住要講食啲嘢食有幾多好味,點好食,同埋要注意食嘢個樣」,之後成員們就示範自己進食時的樣子,十分攪笑。
第一站:筲箕灣東大街
Eric Sir與行仔、Charlotte和Kiele 到筲箕灣東大街一間潮式粉麵用餐,一坐下,Eric Sir跟行仔說這間餐廳的崩沙腩撈粗麵配辣椒油,十分好味,是「可以食兩碗」的水準。此時,Eric Sir問中文不太好的Kiele:「知唔知道大家喺到講緊咩?」,Kiele就問:「咩係撈粗?」行仔即用幾個簡單英文單字去解釋,想不到Kiele竟即刻明白,指着相問,「係咪呢個呀,我好鍾意食呢個架!」到落單時,Eric Sir又鼓勵Kiele嘗試,最後她成功落單。Eric Sir分享這間店有很多回憶,他指自己97年回港展開音樂生涯,「果時好鍾意滑水,每朝6點嚟滑水,滑完水就嚟食嘢。」Kiele一見到崩沙腩撈粗麵大叫「呢個好正喎」,Eric Sir指自己會加辣椒油,但在落之前先細心問身邊的Charlotte能否吃辣。他們試吃後都表示:「撈粗質感再加埋辣椒油,你會好開胃,加上軟身嘅崩沙腩,好夾。」三拼河粉(魚片、魚蛋、墨魚丸),「河粉好新鮮、好滑,丸好有味,魚蛋魚味好出,魚片個皮炸咗好香,墨丸味道特別。」著名舞蹈總監Sunny Wong剛到來到餐廳,跟他們打招呼。用餐後,Eric Sir表示下一間會去食雞煲,聽得Charlotte和Kiele十分開心,但Eric Sir卻表示:「無你份呀」,頓時讓二人有點失落,Eric Sir接着解釋:「XiX有其他成員架嗎。」
第二站:大坑
這間是Eric Sir第一間食雞煲的餐廳,他邀請了XiX另外兩位成員Caitlin和Crystal一同來試食。Eric Sir指:「雞煲個汁好好味,撈飯正。」他們點了花膠鮑魚雞煲,當中有一整隻雞,每件都斬得十分平均。「麻辣汁係自製,花膠好爽口彈牙,夾個汁好正,鮑魚好入味。」他又指不少客人都會在食完雞煲,加湯底、配料打邊爐。澳門人氣雪糕店登陸旺角
特色口味 衝擊味蕾
今集,還有麥惠琪(Susuca)實測早前登陸旺角的澳門人氣雪糕店,先試超衝擊味蕾的芫荽雪糕,Susuca指自己不太喜歡吃芫荽,她第一口試食後表示,雪糕可能因為灑了芫荽粉,所以好重芫荽味,但都可以接受。另外,她又提醒可能因為雪糕是純天然,所以很快融化。
法國藍莓芝士味雪糕,口感有點像雪葩和藍莓蓉,「好清新,適合夏天,雪糕筒好鬆脆,靈感嚟自澳門傳統小食金錢餅,好重蛋味。」檸檬茶雪糕,「好似飲檸檬茶,味道適中,不會太甜,有點像沙冰,綿綿地好有咬口,好有質感,好消暑。」安利魚蛋粉麵 筲箕灣筲箕灣東大街22號源品雞煲 大坑京街18號
DIGREEN雪糕 旺角花園街7號地下7C及7D舖