很多更生人士在完成刑期釋放出來後,找工作時處處碰壁,一直在廟街服務的胡頌恆神父,就立定決心要幫助他們,開設餐廳為更生人士提供工作機會,讓他們可以重新在社會立足。胡頌恆神父表示:「我哋開餐廳,係因為想服務出監獄嘅人,因為如果佢哋無工作,好快又會有問題,我哋特別關心。」
這間餐廳特別之處是,還有設社工寫字樓,社工暨餐廳經理Lucia指已幫神父工作了約6至7年左右,「我除咗我要管理餐廳、幫佢處理一啲CASE,例如更生人士等。我哋呢到工作,大家好融洽都係互相支持同關心,唔止淨係工作咁簡單,我都覺得呢到好似一個屋企咁!」餐廳員工阿樑在接受訪問時指自己負責做廚房,「嚟工作前曾經入過戒毒村,食安眠藥,令自己沉迷咗,喺到做嘢開心,有啲同事大家可以互相守望,有傾有講。如果我無遇上神父,我估我相信揾到工作都有困難,其實工作係其次,愛心囉,你出嚟打一份工,好多人都會畀份工作,但佢唔止畀工作,仲有愛心。」另一名餐廳員工Billy指自己曾因毒品案而被判入戒毒所,現時正在餐廳擔任洗碗工作,「之前試過去揾工,但因為有刑事記錄好多都唔會,試過被人用有色眼鏡睇,好感謝神父畀我喺到工作,好開心,有免費住宿。」神父這個餐廳營運的理念,更得到食客的一致讚好,認為可以讓釋囚人士有機會工作,「應該要畀機會,其實有能力做到工嘅人,唔應該因為一啲過去或咩事,影響到佢受僱嘅機會。」吞拿魚粟米煎餃是餐廳獨有的點心,這個點心是由神父和Lucia一同想出來的。Lucia指出:「呢個應該全港得我哋有,因為神父好鍾意食吞拿魚,一路試一路改良。」胡頌恆神父分享自己曾於肇慶教了7年英文,「肇慶嘅餃子係全世界最好食嘅,果陣我同餃子fell in love,好鍾意食餃子,所以呢到我哋一定要有餃子。」Lucia指神父跟這個吞拿魚粟米煎餃好相似,都是中西相融,有非常好的效果。她又補充餐廳大約3日包一次餃子,確保食材新鮮,有食客指:「當然都好食,個皮煎得好脆。我覺得最貼心個位,呢到都多南亞裔人士,可能未必食豬肉,咁將個饀轉做吞拿魚,可以佢哋避免觸犯禁忌。」,亦有食客指:「好好食,平時都會食啲唔同嘅肉,今次佢哋擺埋粟米落去都幾有趣。」胡頌恆神父熱心服務社區,除了餐廳外,他亦不時到廟街和戒毒所附近走走關心他人以及派發餐廳飯券。Lucia表示自己在神父身上學到很多東西:「神父講每一句說話,佢都會好諗人哋會點諗,人哋嘅感受會點樣。神父一定要長命百歲!」當被問到為何要選擇服務廟街時,胡頌恆神父回答:「喺廟街住咗15年,呢個地方有好多人需要幫助,例如更生人士、戒毒人士、難民、露宿者等。」他又指:「我無計劃去其他地方,上主安排,暫時呢到好開心,每逢星期二、五去監獄,其他日子喺呢到幫手,有時去附近堂區幫手,我嘅生活好開心,我以香港為我屋企,只有一個地方我想去,就係天國。」極高CP值推介
深夜食堂之爆汁一盅兩件
「得閒飲茶」是香港人常說的話,但生活繁忙,要真的要約好「得閒坐低飲茶」非常困難。今集黃嘉雯(Carmaney)帶大家來到位於長沙灣的點心店,這間店的營業時間由早上7點至凌晨1點半,適合所有想飲夜茶和忙到只有夜一夜先有時間見親友的你!
慈悲香港食堂 佐敦廟街191號
一盅點心 長沙灣青山道152號地舖