秦煌兩度跌倒腳患嚴重行動不便 陳煒只因一次合作出錢幫助：好值得尊敬嘅前輩

資深演員秦煌今年3月曾兩次跌倒，先後又轉過四間醫院，早前他接受訪問透露現時身體情況不錯，子女亦有探望他，關係漸漸修補。

現時秦煌入住護老院，得到妥善照顧，他表示獲得圈中人的幫肋，當中除了不時探望又曾幫助送他入院的林偉外，還有陳煒慷慨出錢安排按摩師每周上門幫他按摩，果然人美心善。

秦煌指與煒哥拍攝《法網狙擊》結緣，當時二人演父女關係，對方出事後她出錢照料秦煌，足見煒哥為人有情有義！

煒哥接受tvb.com指與秦煌認識，全因《法網狙擊》：「呢套係我入嚟TVB拍嘅第一套劇，嗰時佢演我爸爸，佢係一個好值得尊敬嘅前輩，雖然之後冇再喺劇入面碰頭，但有時喺化妝間見到面都會傾下計。」

她指最初與馬海倫一起到護老院探望對方：「嗰次都撞見陶大宇，好多人都好關心佢，大家都想了解佢依家嘅生活安排情況。不過我都係探咗佢兩次，因為嗰排我要去佛山開《巨塔之后》，依家又喺深圳拍《正義女神》，所以都冇時間探佢，只係偶爾會通電話。」

談到她出錢請按摩師幫秦煌按摩一事，煒哥說：「我有個相熟嘅按摩師，因為秦煌腳腫好嚴重唔舒服，所以就搵按摩師上門幫佢舒緩，同埋我都只係出按摩師嘅費用，只係4-5個月，其他醫藥費就冇。」

擁有肥嘟嘟身型的秦煌過往先後因跌倒而入院，2008年7月，秦煌於長洲搭船時，由於飲醉酒而跌落海，頭部受創致昏迷，情況曾一度嚴重，幸而留院7日後康復出院。

2020年11月，秦煌往電視城出席《踩過界II》記者會時，在電視城門外突然暈眩兼跌倒，導致右手骨折，由4名保安人員扶上輪椅兼送院。2021年，秦煌因身體不適往醫院求醫，為健康著想，秦煌已減逾66磅。