《東張西望》近日報導觀眾林先生自動櫃員機存10萬慘變9萬,事件播出後引來網民熱議,紛紛提出疑問,甚至認為是林先生自導自演。昨晚(26日),主持黎寬怡與節目組再次訪問林先生。
「櫃員機2.0」上集: 東張西望|櫃員機事件2.0?入10萬驚變9萬 苦主林生曬收據 一萬蚊竟憑空消失?
有網民表示:「有十疊唔代表每疊有一萬,可以得九仟。我試過忘記攞錢,沒有通知銀行,一星期後銀行將錢入回帳號。」林生隨即反駁道:「唔會得返9疊,唔會少咗一疊」,並且他堅定表示他在家是再三數過錢才出門的。主持黎寬怡補充是否存在另一種可能:「你去呢間銀行兩次fail咗之後,就去咗另外一間銀行再入錢,咁佢哋(網民)就會質疑你會唔會喺沿途跌錢?」林先生回應:「呢度去嗰度係10米嘅啫,有冇跌到(錢)…我行路係有感覺㗎嘛。」在第二次入錢故障後,林先生選擇繼續第三次嘗試,櫃員機再次將鈔票退回時,被問到當時有沒有注意單據上記錄多少張500元、1000元,以及總數是多少,林先生則表示:「冇啊,冇留意啊!因為我相信銀行㗎嘛」他解釋因為手上這麼多現金,也沒有辦法清點:「因為你揸住咁多張錢,你得兩隻手,你試下數下,我都數過,係數唔到㗎!」為了自證清白,林先生拿了11萬現金去到同一部櫃員機,拍片重演當天存錢經過,整條影片長達21分鐘。雖然每一次存入都有4-5張被退回,最後成功存入的現金,和螢幕顯示都是一致,未能證明那部櫃員機有問題。面對網上的質疑,林先生說:「因為你都有機會係受害者,依家我都係幫大家,你當我係幫我自己先,爭取真正嘅公義先咯。」他指拍片的初衷是想證明那部櫃員機是否存在問題,不希望有更多人像他一樣受困擾。