巾幗梟雄之懸崖丨羅天宇3分鐘大型槍戰動作場口勁吸睛 靠「劉穎鏇激將法」練成「跪地開槍法」

對於入行16年終圓夢拍攝動作戲，天宇自然不敢怠慢，事前積極跑步及踩單車練氣：「我一有時間就會租架單車周圍踩吓，可能開工前來回踩一個半鐘頭單車去買杯咖啡，所以拍時體力係ok嘅。」天宇續指由於初頭未能掌握打鬥戲技巧，故此曾試過一場戲NG 30次：「有啲take可能拍咗20、30次都未必做到個感覺，感恩今次學到好多嘢。」天宇又謂每次完成動作場口都很有成功感，並感激對手祥哥及蕭正楠很正面和有鼓勵性：「有時就算嗰take ok咗，我哋會話做多個更加好嘅，希望帶到刺激感畀觀眾。」天宇更笑言昨晚的「跪地甫」，全靠導演以「劉穎鏇激將法」令他苦練成功：「跣腳嗰吓好搞笑，導演講咗句：『劉穎鏇都跣到，你唔係唔得呀？』跟住我就因為呢句說話激發咗小宇宙係咁練，覺得一定要做好呢個動作，冇理由輸畀劉穎鏇架，好彩出嚟效果大家話幾好。」