巾幗梟雄之懸崖丨大奶奶謝雪心登場再展現霸氣？ 親解角色變慈母戴墨鏡上陣有原因

因此，不少觀眾對其今次劇中角色大表期待，而心姐今次演督軍夫人，並戴上墨鏡登場，她接受TVB.com 訪問指此角與以往大有不同，內心戲複雜，相當有挑戰。

她透露在劇中是龍督軍（曾航生飾）的賢內助：「 今次惡就交畀督軍，劇情講我個仔喺荒島出意外，之後被救番，而蕭正楠出現我就當咗佢喺我個仔。」

不過她指人人都認為蕭正楠並非「龍四海」，故督軍又不認仔，只有心姐相信：「其實去到最尾我知佢唔係我個仔， 但係覺得就算唔係，都想有番個仔，所以呢個慈母心好難演 ，大家一定要睇到最尾一集會有出乎意料嘅劇情， 同埋我覺得編劇張華標好好，好識得將每位演員嘅長處發揮得淋漓盡致 。」

她續指此角展露慈母的一面，內心戲複雜：「 之前就係『仔阿仔，命就命 』嗰份愛可以表露無遺，但今次係內心， 我失散個仔咁耐，喺荒島發生意外 ，救番嚟仲唔攬住佢錫，當個個都唔相信佢，自己都好矛盾。」

而且，劇中她戴上墨鏡現身背後原因心酸：「因為講個仔發生意外死咗 ，我傷心喊到隻眼有問題，已經唔係好睇到嘢， 我只可以靠摸同感覺到個仔，所以呢個戲就唔可以靠眼神眼淚，要用另一種方法表達傷痛，對我都係新挑戰。」