J Music｜林家謙親解《破．地獄》主題曲創作歷程 作品面世獲4填詞人肯定實力

首度唱作電影主題曲的林家謙，竭盡所能捕捉任何可以令他產生靈感的細節，他透露有天無意間看到一棵很大的斷樹倒在路邊，但一直無人清理，就是因為這件事，電影歌曲的旋律在他腦海中油然而生，林家謙憶述當時的想法謂：「咁得意嘅？點解佢一路都冇人去超渡佢（指斷樹）嘅？」。

至填詞方面，林家謙認為因內容牽涉到不同宗教，故也是經過長時間消化望取得最佳平衡、及確保用字的準確度及恰當性，林家謙坦言「我覺得份詞唔似係我寫，我覺得係祖師爺。」

對於被指譜出感動人心的主題曲，林家謙透露全靠輪迴變調：「好少喺verse唱完之後即刻落chorus升key，我就係（靠）直覺，就好似破地獄咁，超渡咗佢去另外一個level。」

談到電影主題曲面世後大獲好評，陳茂賢說：「好耐冇見過觀眾完咗套戲，出緊end roller、出緊首歌嘅時候，全部都唔會離場，而係坐喺度聽完晒，真係聽埋最後嗰個音（先走）。」林家謙則透露很開心獲4位填詞人一致肯定「你寫得好好。」同時陳茂賢亦補充林家謙創作的主題曲圓滿了整套電影「聽完家謙首歌嘅時候，（就好似）有人拍一拍你個膊頭，即係話畀你聽個世界係好嘅。」