吃貨橫掃深圳丨梁凱晴林秀怡朝聖人氣南法風Café 做「打卡專員」實測三大打卡靚位

一共六集旅遊飲食節目《吃貨橫掃深圳》，今晚（17日）10 點半翡翠台播映最後一集。由陸浩明（6號）、彭慧中、林秀怡及梁凱晴擔任主持，北上深圳四出覓食，帶來滋味又好玩的攻略之餘，更到港人掃貨新熱點、倉庫式超市搜羅網上大熱產品，並為大家「開箱試伏」。

今晚播出的第六集，主持們由頭吃到尾用「食」來完美結束《吃貨橫掃深圳》，「抵食推介」的蒸汽石鍋魚套餐採用新鮮江團魚，配以簡單食材蒸煮6分鐘，並蓋上有「雲南十八怪」之稱的草帽當作鍋蓋，140度高溫逼出膠原蛋白極豐富的奶白魚湯，零舍鮮甜，而且啖啖嫩肉無細骨，吃得特別爽；之後繼續用濃厚魚湯作火鍋湯底打邊爐，年糕口感的豆腐拼盤、爽口彈牙的原隻鮮蝦蝦滑與魚湯成最佳拍檔，整個3至4人份量套餐只需380元人民幣（約411港元），此價錢在香港只能夠是人均價，性價比極高！

之後介紹的漫畫風日式居酒屋以mega size taco最馳名，如手掌般大的照燒鰻魚Taco由香脆紫菜包滿米飯，無論賣相抑或味道同樣攞滿分，每個只需39元人仔（約42港元）；還有多款人氣食品鵝肝肥牛Taco、海膽牛角包、北海道湯咖哩飯創新又足料，難怪每道菜都要「相機食先」！今集最「打卡able」重點推介，必定是位於深圳南山區的全新café，小園林種滿藍藍紫紫花卉，亦設有歐陸式噴水池、鋼琴等，幾乎每個角落都是打卡位，恍如置身法國南部的小莊園，浪漫氛圍吸引不少女生慕名而來朝聖；梁凱晴和林秀怡全程忘我影靚相，並集合三大必影打卡位給觀眾，想知道邊三大打卡位？就要留意今晚節目。除了靚景好讓食客打卡之外，多款自家製蛋糕賣相與味道兼備，水準極高，彭慧中和連作為男士的6號也讚不絕口！

講到深圳夜繽紛，當然不得不提位於寶安區的鹽田社區夜市文化街，全長400米，為深圳最長的夜市；擺滿過百個攤檔，雲集中國不同省份的甜品、鹹食，四位主持為大家試食一元串「鉢鉢雞」、黑色臭豆腐、火焰花甲粉、荊州鍋盔、爆漿車輪餅、即燒生蠔等，隔住屏幕都流口水！6號分享其掃街標準，避開中伏機會，想知掃街標準和攻略如何？密切留意節目。

至於「吃貨試伏器」環節，由林秀怡和梁凱晴擔任最後一次的「試伏專員」，今次試食另一大型倉庫式超市食品，分別是價值89.9元人仔的安格斯牛肉芝士漢堡和價值159.9元人仔（約173港元）的急凍烤鴨，兩女食完大讚「CP值超高」、「呢個掂喎」、「值得一試」，想知道哪款食品獲力推，記得留意今晚最後一集《吃貨橫掃深圳》！