一個香港．十種玩法 過節篇｜江美儀「母女」重逢盡訴心中情 劉穎鏇 羅毓儀勇闖麻雀館

其中意想不到的一站，是三位勇闖麻雀館深度遊、學習麻雀歷史及文化，羅毓儀在了解麻雀館職位時，誤把「戥腳」說錯成「坐枱」；而在外國長大的Tiffany，即使經過速成班訓練仍手忙腳亂：「我唔記得可以點match埋一齊，我只係諗緊點樣砌到愈多愈好」，笑料百出。

夜遊香港最後一站，Tiffany帶了美儀姐前往一間可讓客人自行佈置環境的糖水舖，貼心的Tiffany更將昔日與美儀姐合作拍攝劇集《隱形戰隊》的照片放滿店內，令美儀姐好驚喜。

「母女」在店內盡訴心中情，Tiffany坦言難忘美儀姐精湛演技：「記得有一場戲，我要（演）昏迷緊（嘅人），因為我只係聽到聲，又要盡量唔好郁隻眼，跟住佢哋（工作人員）就話『大家唔好出聲，美儀姐入戲喇』，然後我係feel到你嗰啲眼淚滴落我度。」美儀姐則大讚Tiffany聰敏乖巧：「拍之前我唔識呢個女仔，咁我就問（陳）山聰『你同劉穎鏇拍過，你覺得佢點呀？如果我要同佢傾關於劇本嘢，佢會唔會覺得我好多事、好麻煩？』」想知美儀姐和Tiffany更多心底話，記住留意節目播映。