無綫巴黎特派專員何振然,在「微笑劍后」江旻憓(Vivian)奪金後爭取到第一時間的獨家訪問,其專業表現獲大批網民讚賞,引起網上熱烈討論。何振然眼見江旻憓情緒激動,他未有不斷追問,反而給予她空間紓發感受,讓江旻憓趕回頒獎台接受頒獎儀式後,才與一眾傳媒一起繼續訪問;他更特意安排江旻憓與香港直播室的港隊隊友連翊希隔空通話,期間未有阻礙兩人對話,獲網民大讚處理得非常大方得體。
「奧運之星」同時兼任巴黎特派專員的鄭衍峰,為一解網民疑問,化身記者向何振然進行「獨家訪問」。無綫社交網「See Saw先」先後上載兩段訪問短片,片中見兩人身處奧運場館內的傳媒區,鄭衍峰問何振然成為「教科書的世一訪問」有何感受,何振然坦言很激動,指自己當時面紅耳赤,其實在強忍淚水!問到訪問背後鮮為人知的難度,何振然指運動員要趕往頒獎儀式,時間緊逼,只有約3分鐘超短訪問時間,何振然說:「其實已(有工作人員)不斷拍我話快啲啦、快啲畀佢走,但難得有咁好嘅位,又想第一手資訊畀觀眾,梗係捉住佢問多幾條啦。」之後鄭衍峰代網民了解「點解TVB攞到獨家訪問」的疑問,何振然直言要感謝公司安排這麼有利的採訪位置。
何振然(Elson)由2016年里約奧運、上屆東京奧運,及今屆巴黎奧運連續三屆有份採訪,經驗豐富。鄭衍峰指大多數人認為做奧運記者是苦差,問到Elson為何樂意擔任此職,何振然幽默表示:「第一屆係愛,第二屆係責任,第三屆係窮,哈哈!」並開心share奧運採訪心得:「其實每一個人都一樣,身同感受,你要諗吓你自己都會打波架嘛,雖然唔係奧運嘅選手,但係你都會有贏輸嘅時間。我諗我哋做記者,首先要畀空間佢,譬如好似我都有準備張紙巾,好似Vivian咁,唔論贏輸,喊都好正常,咁咪遞(紙巾)畀佢囉,需要喊時咪喊晒出嚟,所以我覺得呢樣嘢最緊要。」不少網民在該片亦有留言大讚何振然採訪表現突出:「佢做得好好👍🏼D訪問問到題!恰到好處!值得一贊(讚)👍🏼👍🏼👍🏼👍🏼」、「欣賞他」、「做得好好👍🏻專業淡定🤩」。