《神耆小子》昨晚（24日）一集，飾演Jack的吳子冲搶盡焦點。
延伸閱讀： 神耆小子劇情｜全20集劇透懶人包（持續更新中）爆笑尋找家庭愛 鄭則士/蕭正楠/樊亦敏/曹永廉/冼靖峰
劇情講到小鮮肉Jack在打風期間上玫瑰（樊亦敏飾）屋企陪她，此時大海突然回家，嚇到Jack爬窗落荒而逃。半裸上陣拍攝這場走佬戲的子冲，除了爆肌身材吸睛，狼狽走佬的樣子同樣過癮！講到擒窗走佬戲，子冲受訪時透露前前後後拍足四天，他說：「拍嘅時候係夏天，拍外景淋雨戲冇問題，但拍廠嘅時候就好凍，一邊淋水再加冷氣， 雖然同事準備咗大量毛巾保暖，但我唔想拍每個shot都要抹身又要淋番濕個身咁多步驟麻煩到同事，所以情願Cut機後原地跳做運動保暖。」子冲續指場口動作戲不算太難，只是基本攀爬動作，又謂難忘幕後同事的「特別」照顧：「拍外景嘅時候，幕後同事玩水玩得好開心，為咗想我演繹出難堪嘅感覺，所以佢哋keep住射我塊面，佢哋見我愈難堪，佢哋就愈開心，因為中咗！」
身為劇中「除衫擔當」的子冲， 笑言角色最大難度就是 Keep住身形：「因為除咗要除衫，個角色喺設定上都係一個高大有肌肉嘅陽光男孩，但因為冇乜時間做準備，所以我咩招都攞晒出嚟，揀咗『168斷食』再加高蛋白質Diet，再日日做Gym！」提到與樊亦敏有不少對手戲，子冲笑言：「好似多咗個家姐咁，佢好照顧我，除咗成日請食消夜之外，仲會成日同我研究劇本。雖然今次係第一次同佢合作，但覺得佢係一個溫文爾雅、好識得照顧人嘅好前輩！」
