廉政行動2024｜張曦雯演惡主管夠霸氣 首演大肚婆陣痛表情演繹到位

TVB與廉政公署聯合製作的台慶劇《廉政行動2024》，主演陣容有陳山聰、張曦雯、鄭則仕、羅子溢、羅天宇、徐榮、蔡潔、韋家雄、阮浩棕、鄭俊弘、林凱恩、陳星妤、許俊豪及容天佑等。向來有甜美笑容見稱的張曦雯（Kelly)，今次收起笑容做惡主管演廉署首席調查主任，更首演大肚婆引起網民關注！

前晚（10月22日）播出的一集，講到林凱恩希望Kelly給予多幾天時間讓他們調查案件，Kelly即大罵：「辛苦咗十日又點呀？你出去問下其他Team同事，有邊個努力完咩都冇晒，呢個世界從來都唔係圍住我哋轉。」霸氣盡現，隔住個Mon都感受到上司的威嚴！

另外，雖然今次是Kelly首演大肚婆，惟她早前在診所演繹不適陣痛的表情眼神做得相當到位，獲網民讚其演繹到懷孕的神態出來，更指今次她做惡主管冇笑容罵人，令人眼前一亮，又笑言「佢罵人一樣咁迷人」。