蔣祖曼賀繼子18歲生日 湊大仔仔視如己出封最強繼母：你喺我心目中係最好

做人繼母從來不易，而蔣祖曼（Joman）就做到被讚為「最強繼母」！

Joman在21歲時遇上任職電影幕後的丈夫陳卓麒，對方和前妻育有一子Day，惟在阿Day約1歲，親生媽媽因病離世。Joman與陳卓麒拍拖時已幫忙湊仔，直到2014年二人結婚，選了1月3日註冊，這日正是繼子阿Day的生日日期。

婚後她為老公誕下女兒可可，惟Joman從來沒有偏心，對兩兄妹同樣愛錫，視阿Day如親生兒子般。

轉眼阿Day已經18歲長大成人，Joman在社交網晒出一段母子溫馨的片段，當中見有青澀的Joman，與繼子遊玩，相擁等幸福畫面。

她發文表示：

「生日快樂呀Day哥！🥳

咁就18歲，新嘅一頁開始啦，

陪你打咗咁耐怪獸，

之後就靠你自己繼續闖關啦🍀

祝以後繼續陪我打機煲劇買公仔俾我玩唔好嫌我低能煩無聊

無論將來你成為一位點嘅成年人，

你喺我心目中都係最好❤️加油💪🏻

今日阿媽追尋理想陪你唔到，

話咗要重重錫你一啖仲未錫💋

呢一日特別感觸，你明嫁啦🫶🏻

番屋企先再傾❤️」

其實Joman曾接受訪問指阿Day由1歲起便由她照顧，對方一直都稱呼其媽咪，對其來說，後母只是一個身份。而且，原來阿Day小時候曾說一番話令Joman十分深刻：「BB有鴨媽媽，雞BB有雞媽媽，但我沒有媽媽。」Joman聽後心痛不已，自此決定要盡最大的努力給繼子需要的愛。

多年來Joman與子女關係如朋友一樣，自言從不是怪獸家長，給予小朋友較大的自由度，最重要他們找到自己喜歡做的事。