洪永城細女眼肚突現士多啤梨痣 梁諾妍擔心Beryl視線受影響

洪永城（Tony）同梁諾妍（Inez）2011年結婚，婚後育有兩個囡囡，分別是大女「Sir Face」洪靖嵐（Amber），與今年3月出生的細女「Sir Nose」Beryl，一家四口幸福甜蜜。Tony有份出演的新劇《執法者們》日前剛剛煞科，而太太Inez在《家族榮耀之繼承者》找鬍鬚男報復「渣男」羅子溢的行徑大快人心，戲份終於告一段落，兩人也回歸家庭生活，除了分享家庭樂之外，Tony去寺廟放鬆心靈，Inez亦繼續開始跑步。不過從最近po出的照片中，網民發現細女Beryl眼肚位置疑似有「傷口」，令他們大感憂心。

延伸閱讀： 洪永城梁諾妍海灘享親子樂 區永權6字留言被鬧「怪叔叔」Sir Face勁可愛！

自從細女出世後，大家都被洪氏基因的強大所震撼，同時肉嘟嘟的Beryl亦深受網民喜愛。怎知最近Beryl臉上卻突然出現紅點，媽媽Inez解釋道：「好多人都問我妹妹隻右眼下邊咩事，係咪整親？其實唔係啊！個紅點係士多啤梨痣，俗稱血管痣／血管瘤，係胎記嘅一種，出世2至4星期後出嚟的，頭一年會增長得特別快。係呀，係會變大的，不過醫生話一歲後會慢慢收返（番）細，到４至５歲就會完全冇晒。」

Inez還指：「而家早晚都要用藥水敷住個位置，等佢唔好增生得咁快，因為有啲真係增長到好似士多啤梨咁大粒！阿妹就麻煩少少，因為近眼睛，如果佢變大有機會影響視線，而家希望用住藥水，唔好令佢增長得咁快。大家有心了，除咗呢樣，佢食得瞓得屙得，好精神好健康！」